Kamulatan

Kabataan ikaw nga ba ang pag-asa

Ng bayang lugmok na sa problema?

Ginagawa ng mga nakatatanda tila

Wala ng saysay at di na naghihimala.

Kaalamang huwad namayagpag

Puso at kaluluwa di makapalag.

Materialismo at kapaguran sinalamin

At siyang naging pamantayan natin.

Ano pa’t mga kabataan

Sa ganitong kalagayan nasanay.

Kabuluhan ng buhay ay sinukat

Sa mga bagay na lumilipas din ng sukat.

Hindi masamang  umunlad

Kung sa paglago ay di tayo lalayo

Sa katotohanan na ang Diyos ang nagbibigay

At may kakayanang bumawi maging sa lahat ng bagay.

Dalangin ko na maimulat natin

Sa kabataan na sa hinaharap ay iiwan din natin

Pagkilala sa Diyos na lumikha at dakila

Buhay nila ay lulubos at magiging malaya.