Amihan salamat at nariyan ka.
Haplos mo ay kaginhawahan
Ihip mo ay isang musikang kariktan
Dala mo ay kahinahunan.
Ni minsan di nangalit
Unos ma'y masumpungan
Kaaliwan ay likas
Panahon man ay lumipas
Sa iyong pagdating ako'y nakaantabay.
Pagod ng buong katawan
Sa hilahil at pagpapagal
Naiibsan magkaminsa'y lubusan.
Ang wika ng iba ikaw ay papanaw
Dahil sa iyon ang itinakda.
Dalangin ko sana ay huwag naman.
Ngunit ano pa nga ba ang aking magagawa?
No comments:
Post a Comment
Note: only a member of this blog may post a comment.